அன்பு ரசிகர்களே.. எல்லாரும் பிளாக் எழுதறோம்.. என்னென்னவோ எழுதறோம். கவிதை, கதை, விமர்சனம், மொக்கை, தொடர்பதிவு, கும்மி, சொறிதல், எலோக்கியோம், இங்கிபீச்சு பதிவு, பில்கேட்ஸ் பதிவு, சுய முன்னேற்றம் இப்படி.. இதிலும் ஸேட்டிஸ்பை ஆகாத சில நண்பர்கள் கலக்கலா சில மேட்டர்களை பிச்சுப் போட்டு கலவைப் பதிவுன்னும் கல்லா கட்டறாங்க!அதுவும் நல்லாத்தான் இருக்குவோய்!
ஆகவே, காலடியும் ஒரு மிக்ஸிங் போடுகிறது...!சனி:
ஆமாப்பா ஆமா... இன்னிக்கு சனிதான். ஆபிஸு லீவு. ரெகுலரா சாட்டிங்கு வர்ற ப்ரண்டுக்கு இது தெரியும்.. ஸோ, வெள்ளிக்கிழமை இரவு ஆரம்பிச்ச கூகிள் அரட்டை சனிக்கிழமை காலை 4 மணி வரைக்கும் சந்தோஷமா நீடித்தது! நான் வேறு
அவசரப்பட்டு வெள்ளியன்றே 2012 படத்துக்கான டிக்கெட்டை முன்பே புக்கிவிட்டிருந்தேன். சனி காலை 10 மணிக்கு ஸிக்மா
மால் - ஃபன் சினிமாஸ். கொலீக்கைத் துணைக்குக் கூப்பிட்டேன்: ஒஸ்தாரா என்று. அவளோ ஸாரி மச்சான் என்று எஸ்கேப்பிவிட்டாள்! அதுவும் நல்லதுக்குதான்!!
காலையில் 7 மணிக்கு அலாரம வைத்துவிட்டு சரியாக 9 மணிக்கெல்லாம் எழுந்துவிட்டேன். கன்னிங்ஹாம் ரோட்டில் உள்ள ஸிக்மா மால் நம்ம வீட்டிலிருந்து 10 நிமிடந்தான்... இருந்தாலும் அதுக்கு முன்னாடி இன்னொரு கடமை இருக்கே!
சனி விரதம்! பக்கத்திலுள்ள ஈஸ்வரன் கோயிலுக்கு சென்று, அங்குள்ள நவக்கிரகங்களுக்கு எள் விளக்கு ஏற்றி 3 சுற்று சுற்றி சாமி கும்பிட்டு விட்டுதான் அடுத்த வேலை!
2012:
வேகமாக குளித்து விட்டு (லேசாக மப்பு வேறு - நேற்று அடிச்ச சரக்கின் வாசமும்... அடப்பாவி நேத்தும்(!) மப்புலதான் என்கூட சாட் பண்ணிக்கிட்டிருந்தியா, கொலைகாரா, குடிகாரா என்று திட்டும் ப்ரண்ட்டுக்கு, ஐம் ஸாரி!) கிளம்பினேன்... சனீஸ்வரைச் சுற்றிவிட்டு பைக்கை கிளப்பினேன்.. 9:50 AM.
சிவானந்தா சர்க்கிள் - ரேஸ் கோர்ஸ் - கன்னிங்ஹாம் ரோடு - ஸிக்மா மால் - பார்க்கிங் - டீஸ்களில் திரியும் தேவதைகள் - டிக்கெட் கவுண்டர் - பாக்ஸ் ஆபிஸுக்கு வழிதேடும் அவரசக்காரர்கள் - ஸ்க்ரீன் நம்பர் 3 - I3 - டார்ச் வெளிச்சம் தடவிய வளைவுகள் என்று சீட்டில் அமரும் போது 2012 படம் ஆரம்பித்து 5 நிமிடங்கள் ஆகியிருக்கலாம்.
பக்கத்தில் ஆம்பிளை!
படத்தைப் பத்தி விமர்சனம் பண்ணமாட்டேன் - பயப்படாதீங்க! இந்நேரம் நம்ம டைகர் பதிவர்கள் வரிஞ்சு கட்டிக்கிட்டு 2012ஐ அக்கு வேறு ஆணிவேறாக பிரிச்சி தள்ளியிருப்பாங்க - போய் பாத்துக்கோங்க.
தியேட்டரை விட்டுக் கிளம்பினேன். 2வது ப்ளோரில் குழந்தைகள், அம்மாக்கள் கூட்டம் காரிடாரில் எல்லாம் நிரம்பி வழிந்தது.
குழந்தைகள் தரையில் அமர்ந்து படங்களாக வரைந்து தள்ளிக் கொண்டிருந்தார்கள். கொஞ்சம் நேரம் படங்களையும் அம்மாக்களையும் வேடிக்கை பார்த்து விட்டு கிளம்பினேன். பசி வேறு!
பான்டலூன்ஸ்:
ஒன்றாம் ப்ளோரில் இருந்த பான்டலூன்ஸ் என்னை வா வா வென்றது. மணி 1:40 PM. பசிகிடக்கிறது என்று கடைக்குள் நுழைந்தேன்.
அவர்கள் அனுப்புகிற மெயில்களும், போனமுறை செய்த பர்ஸேஸுக்கு கொடுத்த க்ரீன் மெம்பர்ஷிப் கார்டும் கூட காரணமாயிருக்கலாம். காரணங்கள் எதுவுமின்றி கவர்ச்சிக்காக மட்டும் ஷாப்பிங் செய்கிற ஜீனை நமக்குள் விதைத்த சாமார்த்தியத்துக்கு விளம்பரதாரர்களை எவ்வளவு வேண்டுமானாலும் பாராட்டலாம்!
உள்ளே நுழைந்து ட்ராக் பாண்ட்ஸ், டீஸ், கார்கோஸ், ரோலர் ஸ்லீவ்ஸ் (இதுதான் இப்ப என்னுடைய ஃபேவரிட் - 6 சர்ட்ஸ் இருக்கு), இன்னர்வேர், என்று கொத்தாக அள்ளிக்கொண்டு கெளண்டரில் வந்து மெம்பர்ஷிப் கார்டையும், 200 ரூபாய் வொர்த்துள்ள கூப்பனையும் நீட்டினேன். அந்த கன்னடத்துக் கிளி பார்த்துவிட்டு,
"கூப்பன் எக்ஸ்பைரியாடிச்சே" என்றாள்
"ம், பரவாஉண்டு.. மெம்பர்ஷிப் கார்டுக்கு எதுவும் டிஸ்கெளன்ட் உண்டா?" என்று பல்லிளித்தேன்."பாக்கிறேன்......... ஸார்.. டிஸ்கெளண்ட் இருக்கு.. ஆனா இப்ப இல்ல அடுத்த முறை நீங்க ஷாப்பிங் பண்ணும் போது 10% வரைக்கும்..." என்று வரும்ம்ம்ம்...ஆனா வராது ராகத்தில் இழுத்தாள்.
"இல்லியே.. இந்த முறை பர்ஸேஸ் பண்ணுனா 5% ஆபர்ன்னு எஸ்எம்எஸ், ஈமெயில், பீமேல் எல்லாம் வந்துச்சே???""ஓ! அதுவா.. அது வெள்ளிக்கிழமை ஷாப்பிங் பண்ணுனா மட்டும்தான்""இன்னிக்கு கிடையாதா? என்ன ஒரு நாள்தானே தள்ளிப்போயிருக்கு? எனக்கு கொடுங்க 5% தள்ளுபடி" என்று அடம் பண்ணினேன்."இல்லே.. அது வெள்ளி மட்டும்தான்"
"அப்ப நான் வேணா அடுத்த வெள்ளிக்கிழமையே வந்து வாங்கிக்கட்டுமா? இப்ப அந்த தள்ளுபடியை கொடுக்கிறதில என்ன தப்பு இருக்கு?" என்றேன் விடாப்பிடியாய்
அவளும் மானேஜரிடம் கேட்டுப் பார்த்துவிட்டு வந்து கைவிரித்து விட்டாள்.
"சரி.. அப்ப நான் ஃப்ரைடேவே வந்து வாங்கிக்கேறேன் - முடிஞ்சா" என்று கிம்பினேன் "ஏன்...?"
"வெட்டியா 5% இழக்கணுமா என்ன? இந்த துணிமணிக இல்லாம வர்ற வெள்ளிகிழமை வரைக்கும் உயிர் வாழலாம்னு நினைக்கிறேன்" TGI Fridays கூட்டமா நீங்க என்று கேட்கத்தோன்றியது. பசி வயிற்றைக் கிள்ளியது. இந்த நவீன மூளைச்சலவைக் கூடாரத்தில் என்று தப்பித்தால் போதும் என்று வெளியில் விரைந்தேன்.
மீந்த குவாட்டர்:
நேற்றுப் புதிதாய் டேஸ்ட் பாக்கலாம் என்று வாங்கிய Bols பிராண்டி நன்னாவே இல்லே போங்கோ. அதுவும் ஹாப் பாட்டில் வாங்கினேன். டேஸ்ட் பாக்கிறவனுக்கு எதுக்குடா ஹாப் பாட்டில் இடியட் என்கிறது மப்புக்கு பின்னான ஞானம்!!
வழக்கமாக சரக்கு எடுக்கிற ஸ்வஸ்திக் சர்க்கிள் பாரில் அந்த பிராண்டி ஃபுல் பாட்டில்ல இருந்து, ஹாப் பாட்டில் சரக்கை 2 குவாட்டர் பாட்டில்ல ஊத்திக் கொடுத்தாங்க.
ஸோ, அதிலேயே 15ml ச்சீட்டிங்! புரியாத, பூஸ்ட் குடிக்கிறவங்க ஹாப் பாட்டிலையும் குவாட்டர் பாட்டிலையும் வாங்கி படித்துப் பார்க்கவும்.
வெள்ளியிரவு ஒரு குவாட்டர் + கட்டிங்.. ஸோ சனியிரவு என்ன குடித்திருப்பேன்.... ? குவாட்டர் - கட்டிங்.
32 comments:
தம்பீ, கலவைப் பதிவுன்னா கவுஜ போடணுமாமே! அல்லது ஒரு தத்துவம்?!
இந்தக் கலவை ஒரு பி.ந. கலவைதான்!!!
ஆமா தீபாவளிக்கு ஊருக்குப் போன தங்கமணி இன்னும் வரலையா?!!
மப்பும் மந்தாரமுமா இருக்கும் தம்பி தெளிய சனீஸ்வரன் அருள் புரியட்டும்
எம்பூட்டு நாள் ஆச்சுப்பு இந்த சிரிப்பு சிரிச்சு!நல்லா இருக்கீங்களா ஜெகா?நான்,ராஜா!இது எத்தனை விரல்ன்னு சொல்லுங்க....
கலக்கிட்டீங்க ஜெகா!
இந்த டிஸ்கவுண்ட் அலப்பறை தாங்க முடியாது இங்கயும்! சில கடைகளில் நிரந்தரமா டிஸ்கவுண்ட் வைச்சிருப்பான். அப்ப, என்னடாதான் விலைன்னு டாப்ஸைப் பிடிச்சுக் கேக்கலாம்னு தோணினாலும், ஹி ஹி நம்மளுக்குல்லாம் நினைக்க மட்டும்தான் தெரியும்னு விட்டுருவோம்!
அப்புறம் சில கடைகளில் மாசத்துக்கு நாலு கூப்பான் அனுப்புறதால காலவதியானாலும் கழிசடைப்பயலேன்னு ஒரு பார்வை பார்த்துட்டுக் கொடுத்துருவா கொமரி!!!
அண்ணே பின்நவீனத்துவம் எப்படி பிறந்ததுன்னு இப்ப தாண்ணே தெரியுது :)))
சரி அந்த கொலீக்கைப் பத்தி அப்பாலிக்கா ஒரு பதிவுல சொல்லுங்க :)
//சரி அந்த கொலீக்கைப் பத்தி அப்பாலிக்கா ஒரு பதிவுல சொல்லுங்க :)//
வழிமொழிகிறேன்....
நைனா, "கூப்பிட்டேன்: ஒஸ்தாரா என்று".. இதுக்கு வேற அர்த்தம்யா...பொண்ணுங்க கிட்ட ஒஸ்தாரா-னு கேக்கக் கூடாதப்பு... மூவிக்கு போத்தாமானு கேக்கணும். போதையில கேட்டுட்டீங்களோ? ;-) :-))
//வெள்ளியிரவு ஒரு குவாட்டர் + கட்டிங்.. ஸோ சனியிரவு என்ன குடித்திருப்பேன்.... ? குவாட்டர் - கட்டிங்.//
சான்ஸே இல்லை. மாப்பு நல்ல மப்புல இருந்தாலும் நக்கலுக்கு மட்டும் குறை இல்லை.
//"வெட்டியா 5% இழக்கணுமா என்ன? இந்த துணிமணிக இல்லாம வர்ற வெள்ளிகிழமை வரைக்கும் உயிர் வாழலாம்னு நினைக்கிறேன்" //
அது.
BOLS is a nice brand(y) ... it tastes almost like grape juice ... I like it ... and yeah you have every right to say that you don't like it :)
//கொஞ்சம் நேரம் படங்களையும் அம்மாக்களையும் வேடிக்கை பார்த்து விட்டு கிளம்பினேன்.//
நெஞ்சை உருக்குவதாக உள்ளது நண்பா! (ஏண்டா ஒக்ஹார்ட் ஹாஸ்பிடலை விட்டுவிட்டோம் என்று இப்போது வருந்துகிறேன்.)
//வேகமாக குளித்து விட்டு (லேசாக மப்பு வேறு - நேற்று அடிச்ச சரக்கின் வாசமும்... அடப்பாவி நேத்தும்(!) மப்புலதான் என்கூட சாட் பண்ணிக்கிட்டிருந்தியா, கொலைகாரா, குடிகாரா என்று திட்டும் ப்ரண்ட்டுக்கு, ஐம் ஸாரி!) கிளம்பினேன்... சனீஸ்வரைச் சுற்றிவிட்டு பைக்கை கிளப்பினேன்.. 9:50 A.M.//
ஜெகா சனீஸ்வரனும் உங்களைப்போலதான் பொய் சொல்லிட்டு நேத்து தண்ணியடிச்சிட்டு தூங்கியிருப்பார்.எப்பிடி நீங்க சுத்தினதும் உங்க வேண்டுதலையும் கேட்டுக்கபோறார்.அவரும் ஒரு மீசை வச்ச ஆண்மகன்...தானே !
படத்தில பக்கதில ஆம்பிளை.
கவலை.....கொட்டிக்கிடக்கு காலடில.
நீங்க ஏமாத்துறமாதிரி உங்களை ஏமாத்த எத்தனை பேர்.சனீஸ்வரன் சனிக்கிழமைன்னா.துணிக்கடைல வெள்ளிக்கிழமைன்னு சொல்லிட்டாங்களா !
//ஹாப் பாட்டில் சரக்கை 2 குவாட்டர் பாட்டில்ல ஊத்திக் கொடுத்தாங்க.//
ஜெகா பிராண்டி எல்லாம் நேரடியா கிளாஸ்லதான் ஊத்திக் குடிக்கணும்.போத்தில ஊத்தி அப்புறம் கிளாஸ்ல ஊத்தி அப்புறம் வாய்வழி ஊத்தினா ஒண்ணுமே இருக்காது அங்க.தெரியுமோ !!!
எப்பிடித்தான் தண்ணிலயும் கவிதை, காத்து,யன்னல்,பின்நவீனத்துவம்ன்னு கலக்குறீங்களோ.கஸ்டம்தான்.
அன்பு சங்காண்ணா,
பி.ந. கலவைதான் என்று சொல்லி திரும்பவும் சீண்டிவிடறீங்க.
நீங்க சொல்ற டிஸ்கவுண்ட் கதைகள் நல்லாயிருக்கும் போல!
இப்ப வேற தாங்க்ஸ் க்விங் டே ஸீஸன்... பட்டையக் கிளப்ப வேணாமா???
வாங்க பாரா...
வெறும் பிரஸன்னத்திலேயே இதழோரம் புன்னகை தவழவிடும் வசீகரத்தை கொண்டிருக்கிறீர்கள். நிழல் என்னை நோக்கி நடந்து வந்தாற் போன்ற ஒரு பிரமிக்க வைக்கும் நட்பு இது! நன்றி அய்யா!
அன்பு ஆதவன் தம்பி!
உங்களுக்கு இல்லாமலா? போட்டுட்டா போச்சு! அப்பாலிக்கா, என்னுடைய பிளாக்கையே ஒதுக்கி வச்சுடப் போறாங்க மக்கள்!
அன்பு ரோஸ்விக்,
இன்னைக்கே போத்தமாவை அந்த சீத்தம்மாவிடம் கேட்டுத் தெளிவு படுத்திக் கொண்டேன்.
நீங்க ரைட்டுலு!
சும்மா பின்ரீஙக தலைவரே
அப்பிடியே உச்சந்தலையில ஒத்த முடிய பிடுங்குனாதான் இறஙுகும் போல
தினமும் குடிக்குர சரக்குல ஒவ்வொரு மூடிய ஊத்தி வச்சு மாசக்கடைசில
காக்டெயில் குடிக்குர ஆளுஙக இருக்குர ஊர்ல இருந்து வந்தவிஙகப்பு
எஙகலையும் சல்லிசா பாத்துரப்புடாதுல்ல ....
:)
வாங்க மாப்ள அக்பர்..
நன்றி!
சரக்கு கொளுத்துகிற வெளிச்சத்தில்தான் பருப்பொருள்களின் அடுத்த கட்டப் பரிமாணமே தெரியுது என்று................. அட
நாந்தாம்பா சொல்றேன்!
*
இந்த ஹை-ஃபை ஷாப்பிங் மால்கள் செய்கிற அக்கப்போர் தாங்கவில்லை. நல்லா ஏமாத்துறாங்க. அவங்களோட மூலதனம் அதிகம் என்பதற்காக நம்மை மூடனாக்கப் பார்க்கலாமா?
*
என் மாப்ள ஏனாஓனாகிட்ட இதை சொன்னா, நேரா ஒரு களப்பணியே நடத்தி.. ஆய்வறிக்கையும் அட்டகாசமா சமர்பிச்சிருவாரு!
நந்தா,
BOLSன் வாசனை மிக வித்யாசமாக இருந்தது. முதல் பெக்கிலேயே உள் செல்லவில்லை. அதனாலேயே ட்ராபிக்கானா, எலுமிச்சை, புதினா என்று வகைவகையாய் காக்டெயில் போட்டு இறக்க வேண்டியதாப் போச்சு!
ம்... Choices define characters; Characters define cocktails..!
இல்லையா?
வாங்க ப்ரபஞ்சப் பிரியன்,
இது கிடக்கட்டும்.. நான் சொன்னா மாதிரி நமீதா வச்சு அறிவியல் கட்டுரை எழுதப் போறீங்களா இல்லியா?
வாங்க ஹேமா!
ப்ரண்ட் கூட சாட் பண்ணும்போது பெரிசா ஒண்ணும் மப்பில்ல!
அதைவிட அந்த ப்ரண்டுக்கு நான் ஒரு செல்லக்குழந்தை - ஸோ நோ ப்ராப்ளம்னு நினைக்கிறேன்!
*
சனீஸ்வரனுக்கு மீசை இருக்கா...? எனக்குத் தெரியாதேங்க?
*
பிராண்டி கூட நம்ம ப்ரண்ட் சாய்ஸ்தான். இதுக்கு முன்னால வோட்கா.. வோட்கா மற்றும் வோட்கா மட்டுமே.
*
//எப்பிடித்தான் தண்ணிலயும் கவிதை, காத்து, யன்னல், பின்நவீனத்துவம்ன்னு கலக்குறீங்களோ. கஸ்டம்தான்//
வகைப்படுத்த முடியாத பெயர் வைக்க இயலாத சில நேசிப்பு மிக்க விஷயங்கள் இருக்கின்றன.
அந்த விஷயங்களை இடம், காலம், கட்டுப்பாடு, மப்பு இப்படி எதுவுமே கட்டுப்படுத்த முடியாது!
//சனி விரதம்! பக்கத்திலுள்ள ஈஸ்வரன் கோயிலுக்கு சென்று, அங்குள்ள நவக்கிரகங்களுக்கு எள் விளக்கு ஏற்றி 3 சுற்று சுற்றி சாமி கும்பிட்டு விட்டுதான் அடுத்த வேலை!//
இது வேறயா சும்மா எல்லாம் கோவிலுக்கு போக மாட்டிஙலே தல..:))
//நேற்றுப் புதிதாய் டேஸ்ட் பாக்கலாம் என்று வாங்கிய Bols பிராண்டி நன்னாவே இல்லே போங்கோ. //
வித விதமா ட்ரை பன்னுறிங போல..என்ஜாய் பன்னுங் தல..
தலீவா !! எப்புடித்தான் பிரியாத மேரியே எழ்தரிங்கோ !! இன்னு தான் பிரியல!! ஆனாலும் ரவுண்டு கட்டி அடிக்கிரீங்கோ பா !! அதான் ஒன்னிமே பிரியல !! எப்புடி !! இப்புடி !! எல்லாம் !!
indha padhivukku ippadi sorinji vidura koottamaa?!!
வாங்க நேசன்!
பாட்டில்களின் அடிமனசு ஈரத்தை ஆட்டி ஆட்டி குடிச்ச ஈரப் பரம்பரைதாம்ல நாங்களும்!
காலேஜ் படிக்கும் போது நியூ இயர் அன்னிக்கு கையில காசில்லாமா, ரூம்ல இருக்கிற பேப்பர்கள், புத்தகங்கள் + பக்கத்து ரூம் பேப்பர்கள் என்று சேகரித்து (....பொறுக்கி ஹிஹீ) எடைக்குப் போட்டு வந்த காசுல எல்லாருக்கும் பார்ட்டி வச்ச ஆளுகளும் நாமதான்!!!
ச்சீயர்ஸ்!!
அன்பு வினு,
டார்க்கெட்டோட போற கோவில்கள் இங்க வேற நிறைய இருக்கு! வாங்க இங்க ஒரு நாளைக்கு, சுத்தி, ஆணி எல்லாம் காட்டுறேன்.
அன்பு கெட்ஜெட் திலகம் டவுசர் பாண்டி!
புரியலியா? டவுசருக்கு இப்படியொரு குறையா? ஓகேம்மா தீர்த்துடலாம்.
அப்பால ஒரு மேட்டரு..
இன்னும் எத்தனை நாளைக்குத்தான் அதே டவுசரைக் கட்டிட்டு அழுறது? ஒரு 3/4க்கு ப்ரேமோஷன் ஆகலாமில்ல?
அன்புள்ள அனானிமஸ்,
என் பதிவு 1ம் இல்லதான்.. ஆனா வெறும் பின்னூஸை வச்சு மத்தவங்களை ஏன் இறக்கணும்?
என்னை விமர்சியுங்கள். எப்படிவேண்டுமானாலும் - உங்கள் அனானிமஸ் போர்வையை எடுத்துவிட்டு - நான் அதை வரவேற்கிறேன்!
இதுக்குப் பேரு "பின் போதைத்துவம்" தலைவா ....இங்கிலீஷ்ல "POST MABBISM" எப்டி தமிழுக்கு ஒரு புதிய இஸத்தைக் கொண்டு வந்துட்டேனா?
ரொம்ப நல்லாயிருந்தது இந்த பதிவு.நல்லா சிரித்து விட்டேன்..
நல்லாத்தான் எழுதிறிங்கப்பா... எங்களுக்கும் அந்த ரகசியத்த சொல்லுங்களேன்
அன்பு ரெட்டை வால்ஸ்!
அருமையான கண்டுபிடிப்பு! இனி இந்த பின்போதைத்துவம் இலக்கியத்தில் தண்ணி இடம் பிடிக்கும்னு நம்பறேன்!
வாங்க SASHIGA...
ரொம்ப நன்றி!
இப்ப காக்டெயில்கள் (ஸாப்ட் ட்ரிங்க்ஸும் உண்டு) செய்யறது ஒரு பேஷனாகிட்டிருக்கு. உங்களுக்கு இதில எதுவும் ரெஸிபி இருந்தா போட்டுத் தாக்குங்க!
வாங்க சந்ரு..
ரொம்ப நாளாச்சு...
எழுத்தில ஒரு ரகசியமும் இல்லை. மனவிலயும் ஒரு ரகசியமும் இல்லை.
Post a Comment