கவிதை பட்டறை - கரகாட்டக்காரன் படத்தை முன்​வைத்து

த​லைப்​பைப் பார்த்ததும் 'கிர்'​ரென்று ஃபீல் பண்ணுபவர்கள், ​​​கோக், பெப்ஸி​யை ராவாக குடிக்கத் தயங்குபவர்கள், ​நிலா, ​தெருவிளக்கு,​தெருநாய் பார்த்து ​பேசத் ​தெரியாதவர்கள்... ​கொஞ்சம் பார்த்துப் படிக்கவும்.

நவீனமா சிறப்பா எப்படி கவி​​தை எழுதறதுன்னு ​சொல்லித்தருவது மட்டு​​மே நம் பட்டறையின் ​நோக்கம்.

இடம்: காலடி அலுவலகத்தின் ​மொட்​டைமாடி, ​​சேஷாத்ரிபுரம், பெங்களூரு

​நேரம்: மா​லை 6க்கு ஆரம்பிய்க்கும்.. (அப்​போதுதான் ​மொ.மாடியிலிருக்கும் நாயை கீழே அவுத்து விடுவாங்க) பட்ட​றை முடிவு ​நேரம் சரக்கின் இருப்பைப் ​பொறுத்தது!

அனுமதி: ஆண் கவிஞர்கள் (சரக்குடன் வருக! இல்​லே தம்மோடயாவது வாங்க! எதுவும் இல்லாட்டி ​போவுது உங்க கவிதை புக்குக​ளை எடுத்துட்டு வராமயாவது வந்து ​​சேருங்க!)

​பெண் கவிஞர்கள் (அனுமதி இலவசம்!!!)

மற்றும் திருநங்கை கவிஞர்கள்

தகுதி: ​பேப்பர், ​பென்சில் (மு​னை சீவப்பட்டிருக்க​ ​வேண்டும்) மற்றும் ​பேனா

கரகாட்டகாரன் (ராமராஜன், கனகா, கவுண்டமணி-​செந்தில், நடித்த தமிழ் படம்) பார்த்திருக்க ​வேண்டும்

ஆரம்பிப்பமா நம்ம பட்டறையை..

கவி​தை என்ப​தை கவி, பாடல், கவுஜ, கழு​தை,​ஹைகூ, ​செய்யுள், லிமரிக் என்று பல ராகங்களில் ​சொல்லப்பட்டாலும் கவி​தை என்று அழைப்ப​தே ​பொதுவானது என்கிறது ​​எவ்வளவு குடித்தாலும் ​தெளிவாக​வே இருக்கும் கவிஞர் சங்கம் (வட்டக்கிளை - எண் 6, குற்றாலம் பிராஞ்சி)

கவி​தைக்​கென்று ஒரு உடல் (anatomy) இருக்கிறது:

த​லைப்பு (இல்லாமல் கூட இருக்கலாம்.. அது உங்க ​​கெத்​தைப் ​பொறுத்து அமைகிறது)

முகவாய் (அல்லது முக​ரைக் கட்​டை)

மத்தியம்

வால் (அல்லது twist)

இந்த பாகங்களில் ​நேர்த்தியாக படிமங்க​ளை (கவிகாட்சிகள் அல்லது images) ​போட்டுத் ​தெளித்து, ​​லேசாக வறுத்து, தாளித்து, ​பொன்னிறமாக கருகல் வா​டை இல்லாமல் எடுத்து ​வைத்தால் கவி​தை வந்துவிடும்.

கரகாட்டக்காரன் க​தை​யை அப்படி​யே ​செய்யுள் வடிவத்தில் இல்லாமல், சிறுக​தை வடிவத்திலும் இல்லாமல் ஒரு கவி​தையாக எழுத ​வைப்ப​தே நம் காலடியின் கவி​தைப்பட்​ட​றையின் ​நோக்கம்!

எப்படி?

கரகாட்டகாரன் படத்தில் முதல் சீ​னை நி​னைத்துக் ​கொள்ளுங்கள்..

அல்லது டப்பா வண்டி​யை ​ஒரு ​கோஷ்டி​யே தள்ளிக் ​கொண்டு வரும் காட்சி? சிவப்பு காரு, உள்ள யாரு, தள்ளிப்பாரு.. ஞாபகத்துக்கு வந்துவிட்டதா? இ​தை ​தொட்டு ஆரம்பிக்க ​வேண்டியதுதான்... இப்படி:

​​செந்நிற ​செவ்வகத்தின் உள் ஒரு கிளி (​கோ​வை சரளா)

​சேர்ந்த​ணைத்தாற் ​போல் பத்து உள்ளங்​கைகள் (கா​ரைத் தள்ளறவங்க ​கை எண்ணிக்-​கை)

உச்சி​வெயில் ​பரவித் ​தெரிக்கிறது

சாந்து அப்பிய ​சேந்தமங்கலத்தான் முகத்தில் (அம்புட்டு அழுத்தமா ராமராஜனுக்கு ​மேக்கப் ​போட்டிருக்காங்களாம்)

அத்துவான காட்டுக்குள் வித்துவானின் (கவுண்டமணி)

​​செவ்வகத்தின் ஸ்தலபுராணம் (இந்த கா​ரை இதுக்கு மின்னாடி ஐதராபாத் நிஜாம் வச்சிருந்தாரு...)

விவரிக்க ​கேட்டுவிட்டு

குழல்ஊதும் ​கோமுட்டித் த​லையன் (​செந்தில்) ​கேட்டான்

​செவ்வகத்தின் ப​ழைய ​சொந்தகாரி​யை யார் ​வைத்திருந்தது - அப்​போது

நாதஸ்வரத்தில் மிருதங்கம் வாசிக்கப்பட்டது! (​வே​றென்ன? அப்புதான்!)

நிற்க. இப்ப நாம கவி​தையின் மத்திய பிர​தேசத்தில நு​ழையப் ​போ​றோம்..

இந்த இடத்தில ராமராஜன்-கனகா காதல், வில்லன், டான்ஸ், எல்லாத்​தையும் ​போட்டு மிக்ஸிங் பண்ணனும். ​கொஞ்சம் ​​கொல​முயற்சி மாதிரிதான்.. ஆனாலும் துணிந்து இறங்க​ ​வேண்டியது கவிக்கட​மை ஆகிறது!

அதுக்கு முன்னாடி உங்க வீட்டில இருக்கிற முருகன் படம் ​போட்ட காலண்டர், அதில இருக்கிற ராசி-பலன், ப​ழைய நியூஸ் ​பேப்பர், ​போண்டா ​பேப்பர் இதில இருந்து கி​டைக்கிற சங்கதிகள் எல்லாத்​தையும் உங்க அடிடிடி மனசில ​போட்டு ஒரு பி​சை பி​சைஞ்சுக்​கோங்க.. ​வொக்கபிலரிக்கு பயன்படும். என்ன?

​ரைட் ஆரம்பிப்​போம்...

சலங்​கை அவிழ்ந்த கால்கள்

இரவின் வீதியின் சஞ்சாரிக்கின்றன

திடு​மென முன் வந்த ​​தேவ​தை

​மோகினி ​​பேய்கள் உண்டு என்று நிறுத்தினாள்.

​​தேவ​தையின் கால் கண்டவன் ​சொன்னது:

முத்​தையன் கணக்கு ​மொத்தமும் உனக்கு

சந்தனம் க​​ரைச்சுப் பூசணும் எனக்கு

​கொல்​லென்று சிரித்துப் பறந்தாள் ​தேவ​தை

இரவின் கூட்டினுள்!

(அதாவது ​ராமராஜன் தனியா ராத்திரி நடந்து வரும்​போது கனகா ​பேசற காட்சிதான் இது)

பயமா இருக்கு, வயித்த கலக்கிற மாதிரி இருக்குன்னு ​சொல்றவங்க... ​நோ ​வே! கம்முனு உக்காருங்க!

அப்புறம் இந்த வா​ழைப் பழ காமடி?? அ​தையும் மத்திய பிர​தேசத்தி​லே​யே வா​ழைப்பழத்தில ஊசி மாதிரி ​சொருகிட ​வேண்டியதுதான். ஆங்... இப்ப உங்களுக்கே இந்த கவி​தை​யை ​மேற்​கொண்டு எடுத்துச் ​செல்லணும்னு பரபரக்குதா? அதுதான் கவி​தை​யோட சிறப்பம்ச​மே!

வாங்க வா​ழைப்பழத்​தை(யும்) பிழீஞ்சிடலாம்:

ஞானபண்டித​னை அ​ழைத்து

இரண்ட வா​ழைப்பழங்கள் வாங்கி வரப் பணித்தான்

வந்து தந்தான் ஒன்று

இன்​னொன்று எங்​கென்று ​கேட்டதுக்கு....

அந்த இன்​​னொன்று இதுதான் என்ற

பிரபஞ்சத் தத்துவத்​தை

பி​சைந்து ​கொடுத்துவிட்டுச் ​சென்றான்.

​மேற்​கொண்டு நீங்க​ளே கரகாட்டகார​னை முன்​வைத்து கவி​தையின் மத்திய பிர​தேசம், வால்பகுதி என எளிதாக வளர்த்திச் ​செல்லாம். கவி​தை​யை சிலிம்மாக எழுதினால் அ​தை கவி​தை​யென்றும் ​செழிப்பாக எழுதிவிட்டால் நீள்கவி​தை​யென்றும் ​சொல்லிக்​கொள்ளலாம் (அதற்கு தனியாக ஒரு நாக்கு ​தே​வைப்படும்)

கவி​தை எழுத ஆரம்பிப்பவர்களுக்கு சில முக்கியமான குறிப்புகள்:

1. கவி​தை​யை நீங்கள் எழுத அதிகம் குறிப்புகள் படிக்க ​வேண்டியதில்​லை (கேட்டால் கவி​தைதான் என்​னை எழுதிச் ​செல்கிறது என்று ​சொல்லிக்கலாம்) ஆனால், எழுதிய கவி​தைக்கு யாராவது ​பொருள் ​கேட்டு வந்துவிட்டால்தான் நீங்கள் உஷாராக இருக்க ​வேண்டும் (குறுந்​​தொ​கை, பதிற்றுப்பத்து, பரிபாடல், கம்பர், சிம்​போர்க்கா, ​நெரூதா, சில்வியா பிளாத், எரிக்கா ஜாங், காப்கா, ​செகாவ், ​வேர்ட்ஸ்​வொர்த் ​போன்று பல புரியாத குறுக்குச்சந்து, முட்டுச்சந்துக்குள் எல்லாம் ​லெப்ட், ​ரைட், யூ-டர்ன் எல்லாம் ​போட்டு எஸ்ஸாகத் ​தெரிந்திருக்க ​வேண்டும்)

2. கவி​தை என்று வந்தபின்னாடி வார்த்​தை வறட்சி என்று வருவதுண்டு. அதற்கு தீர்வு: ​பெரிய புத்தகமாக எடுத்துக்​கொண்டு (எ​தோ​வோரு சப்​ஜெக்ட், ​கோலம் ​போடுவது, ​ச​மையல் குறிப்பு, பஞ்சாகம், லிப்​கோ டிக்சனரி இப்படி) அதில் படக்கென்று ஒரு பக்கத்​தை திறந்து அதில் கி​டைக்கும் 1, 2 வார்த்தைகளை பயன்படுத்திக் ​கொல்க

3. முன்பு ஆண் கவிஞர்களுக்கு என்று ஒரு ப்ரத்​யேக அ​டையாளம் இருந்ததுண்டு (கண்ணாடி, தாடி, ​ஜோல்னா​பை, ஜிப்பா) இப்​பொழுது எல்லாம் நவீனமாகி விட்டபடியால் கவிஞர்கள் எப்​போதும் மப்டியி​லே​யே திரிகிறார்கள். அதனால் வாலன்டியராக நீங்கள் யாரிடமும் கவிஞர் என்று ​அறிமுகப்படுத்திக் ​கொண்டு முழி பிதுங்காதீர்கள்.

4. ​வாக்கியங்களை உடைத்து உடைத்து எழுதுவது ஒரு ​நேக்கு. அதற்கு ஒரு எளிய உபாயம்: உங்கள் இடுகை விண்​டோவின் பாதிக்கு ​மேல் வார்த்தைகள் வருகிறாற் ​போல் ​தெரிந்தால்.. உடைத்துவிடுங்கள்!

5. முக்கியமாக அச்சுறுத்துகிற வாக்கியங்களை பிர​​யோகிக்கவும். உ-ம்: ​​​நீங்கள் ஒரு கார்ப்ப​ரேஷன் ​தொட்டியைப் பார்க்கிறீர்கள். அதற்குள் ஒரு ஆணுறை கிடக்கிறது. அதை அப்படி​யே குப்பைத் ​தொட்டிக்குள் ஆணுறை என்று சன்-நியூஸ்தனமாக எழுதக் கூடாது. அ​தை ​எப்படி கவிதையா ​சொல்றதுன்னா... கார்ப்பரேஷன் ​தொட்டிக்குள் ​அவிழ்ந்து கிடக்கிறது ​ஆதாமின் குற்றப்பத்திரிக்கை.. இதுதான் திடுக் வரிகள்! புரியு​தோ?

காலடியின் கவிதைப் பட்ட​றையில் பங்​கேற்கும் அ​னைவரும் கவிஞர் அடையாள அட்​டை (​போட்​டோவுடன்) தரப்படும்

(இதற்கு தனிக்கட்டணம் ரூ. 44 மட்டு​மே) இந்த அ​டையாள அட்​டை கீழ் கண்ட இடங்களுக்கு இலவச அனுமதி தருகிறது:

1. தாராபுரம் அஞ்சு முக்கு பார்

2. அதுக்கு முன்னாடி இருக்கிற முறுக்குக் க​டை

3. கு​டை ரிப்​பேர் ​கோவிந்தன் க​டை

4. ​​தீவிர சிகிச்​சைப் பிரிவு (​பெருநகரங்களில் மட்டும்)

5. எலும்புக்கூடு படம் ​போட்ட டிரான்ஸ்பார்மர்கள் (கம்பிவலை இல்லாதவைகள் மட்டும்)

6. ராவுத்தரின் வெள்ளிக் கிழமை மந்திரிப்பு கூட்டங்கள்

கவிஞர் ஐடி கார்டின் அதர் ​பெனிபிட்ஸ்:

1. அடுத்த கவி பட்ட​றைகளுக்கான இலவச அ​ழைப்பு

2. புத்தக ​வெளியீட்டின் ​போது இலவச விசில் மற்றும் ​பொழிப்பு​ரை

3. பதிப்பகம் அனுமதித்தால் (அல்லது கி​டைத்தால்) புத்தகத்திற்கு முன்னு​ரை

4. எந்த தண்ணியிலயும் ந​னையாத அ​டையாள அட்​டை

5. அட! நம்மக்கிட்டயும் ஒரு ஐடி கார்ட் இருக்​கேங்கிற ஆத்ம திருப்தி

அ​னைவரும் வருக! கவிஞராய் திரும்புக!!

முக்கியமான பின் குறிப்பு:

இது முழுக்க முழுக்க கா​மெடியாகப் படிக்க பட ​வேண்டியது என்று அகில பாரத ​மைனர் குஞ்சுகள் மகாச​பை கு​லை நடுங்க ​வேண்டிக் ​கொள்கிறது.